Enemásenen estrategiak diseinatzen ditugu lan egiten dugun erakundeak entzunak izan daitezen eta beren interes-eremuan nahi duten posizionamendua lor dezaten. Lan-saio partekatuetan honako arlo hauek jorratzen ditugu:

• Erakundearen komunikazioaren egungo egoera eta haren gaitasuna aztertzea, hainbat tresnaren bidez
• Komunikazioaren eta harreman publikoen arloko helburuak zehaztea
• Interes-taldeak, funtsezko mezuak eta komunikazio-bideak identifikatzea
• Erakundearen edukien mapa
• Bozeramaile-lanak egingo dituzten pertsonak izendatzea

Prentsa-kabinetea funtsezko ardatza da erakunde baten komunikazio korporatibo globalaren estrategiaren barruan; izan ere, prentsan modu organikoan agertzeak ospea eta posizionamendua ematen ditu, bere tamaina edozein delarik. enemásenen, prentsa-kabinetea modu estrategikoan lantzen dugu, eta gure proposamenak enpresa bakoitzaren errealitatera egokitzen ditugu:

• Gai bakoitzerako berri bilaka daitezkeen ikuspegiak bilatzen ditugu
• Kasu bakoitzerako prentsa-kabineteko tresnarik egokiena definitzen dugu: prentsa-oharra, prentsaurrekoa, elkarrizketak, topaketa pertsonalak, etab.
• Informazio-materialak idazten ditugu
• Modu aktiboan kudeatzen dugu komunikabideekiko harremana
• Bezero bakoitzarentzako informazio-aukerak identifikatzen ditugu
• Markaren jarraipena egiten dugu hedabideetan, eta egindako ekintzen emaitza baloratzen dugu
• Branded content egiten dugu mezuak eta edukiak funtsezko komunikabideetan kokatzeko

Neurrira egindako media-training saioak diseinatzen ditugu. Beren konpainiaren bozeramaile gisa jarduten duten pertsonak trebatzen ditugu kontatu nahi dutena kontatzeko gai izan daitezen eta mezu korporatiboa behar bezala helaraz dezaten komunikabideekin nahiz bestelako ekitaldi publikoetan ematen den topaketa bakoitzean. Enpresa berria zara eta inbertitzaileekin bilera bat izateko prestatu behar duzu? Gure saioak egokitzen ditugu honekin laguntzeko. Saioetan, besteak beste, gai hauek jorratzen ditugu:

• Komunikabideen funtzionamendu-dinamikak eta beharrak
• Bozeramailearen figurak erakundeetan duen garrantzia
• Modu praktikoan entrenatzen ditugu informazio-hedabideen bidez mezu eraginkorrak komunikatzeko trebetasunak, bereziki egoera konprometituetan, kazetariekin elkarrizketak simulatuz edo audio-klipak grabatuz
• Rol hori betetzeko landu beharreko dikzio, tonu, adierazpen edo jarrera-alderdiak identifikatzen ditugu

Enpresen komunikazio-ekosistema osorako edukiak definitu eta lantzen ditugu, erakundearen ahots-tonua eta mezuaren koherentzia zainduz.

• Enpresek hainbat komunikazio-kanal eta euskarrien bidez duten komunikatzeko modua berrikusten eta aztertzen dugu
• Argitalpen korporatiboak idatzi eta maketatzen ditugu, hala nola aurkezpenak, txostenak edo memoriak
• Ikus-entzunezko komunikazio-piezak sortu, gidoitu eta ekoizten ditugu
• Konpainien online ingurunerako edukia zehaztu eta sortzen dugu: webgunea, sare sozialak edo newsletterra

Gero eta maizago kokatzen da barne-publikoa erakundeetako lehen publiko gisa, hor hasten baita ospe korporatiboa eraikitzen.

• Kultura korporatiboa eta barne-kohesioa indartzera bideratutako komunikazio-estrategiak diseinatzen ditugu, baita talentua erakartzera eta atxikitzera bideratutakoak ere
• Barne-komunikazioko euskarrietarako edukiak egiten ditugu
• Taldeak eraikitzeko ekitaldiak eta jarduerak antolatzen ditugu

Erakundeei aurrea hartzen eta balizko krisi-egoera baterako prest egoten laguntzen diegu; izan ere, konpainien ospea babesteaz ari garenean, hobe da aurrea hartzea sendatzea baino.

• Gai hau bake garaian jorratzearen garrantziari buruzko sentsibilizazio tailerrak egiten ditugu
• Krisi-plan praktikoak eta errealistak sortzen ditugu erakundeekin batera
• Krisi-bozeramailetzaz arduratzen den pertsonari prestakuntza ematen diogu, bere garaian bere zereginari aurre egiteko gai izan dadin
• Unea iritsita, konpainiei laguntzen diegu krisiaren kudeaketan